 |
| http://hdwpics.com/ |
ஏற்றுக்கொண்டவனில்லை
ஆணோ பெண்ணோ வயோதிகரோ குழந்தையோ வளரிளம்பருவமோ
யாராய் இருந்தாலும்
அவர்தம் மரணச் செய்தி என் காதுகளை எட்டாதிருக்க விரும்புகிறேன்
முகம் தெரியாதவரின் மரணம் என்னைப் பித்துப் பிடிக்கவைப்பதனால் அல்ல
முகம் தெரியாதவரின் மரணம் என்னை அழவைப்பதனால் அல்ல
ஆனாலும்
அறியாத ஊரில், பழகாத தெருவில், முகவரி இல்லாத வீட்டில்,
அடையாளமில்லா பலருடன்
அழுதபடி நடந்துசெல்ல எனக்கு வலிமையில்லை
உறவில்லாத பிரிவுக்கு விளக்கம் சொல்லி
கண்ணீருக்குக் காரணம் சொல்ல எனக்கு விருப்பமில்லை
முகம் தெரியாதவரின் இறுதிச்சடங்குகளை வெறுக்கிறேன்
தயவுசெய்து மரண அறிவிப்புகளை எனக்குச் சொல்லாதிருங்கள்.
கருத்துகள் இல்லை :
கருத்துரையிடுக